回顧逝去的日子 8 月 10 日 晚上如常練band，今晚玩得好正，很high，頓時對13號晚既show 充滿信心。今次一定實掂硬。怎料，kit 個effect 突然燒鬼左，唔係ar ma!!! 好大鍋嫁wo!!! 聽聞 好似 被一位電子工程師與一位機械工師從旁指導後，就燒鬼左~~~幸好 問柏康借倒，如果唔係幾條友到時真係 就會企係度圍威喂..... 8月12-8月14日 physics o camp 今年plan 左我會試下唔同既崗位，到臨場發揮時，發覺同上年既工作差不多。都係做番果d 野，做番上年既角色。一到o camp 真的很忙，時間就彷如飛箭，眨眼間就完了一天的活動，到了一班oc開e 會的時間。我仲要擔起一科comp 102 既考試，真係食得屎..... 開完e 會 同西面, 湯密屎洗衫，洗完 就番hall 訓下，起碼休息一會，補充一精神準備明天的考試! 係o camp 度讀書，晒氣~~ 最後頂硬上，考完科試，早走左成個鐘，沒有任何束縛，整個人頓時有番靈魂，很有衝勁地去準備個pub night..... 過左一陣，kelvin 佢地運左套鼓來左，就一齊set 音，攪左兩個鐘，之後食野，休息，準備開show!!! 十點半 開show....let's rock!! 個show不用多講，不懂得描述形容，只可說一切都太美麗了..... 8月14日出camp，早上下著雨，KL 也來了，於是就同KL，丸子坐架van 運套鼓比番個老細。之後一齊食個lunch 就回家訓個夠。回到家才記得仲未找番金飯碗條數，damn it! 8月15日 中午與方包，dickson ，大隻b 地等等 係晏架打波，好耐冇打lu，帶波都唔識點帶。之後去左信恩堂既小組，坐左一陣突然 阿媽打來話 老豆被人打，入左醫院，咁我就立即飛去聯合醫院睇下佢，幸好只係小事，只是不幸遇到個極橫蠻的死飛仔，可以說是老豆遇番以前既自己，挨左一下痛，之後係觀塘警處落埋口供就 回家。原來真實的落口供係麻煩好多，與電視劇中的情節大相徑廷。 多謝Paul，Harris 同方包既慰問。 8月19日 繼續我的兼職，教一班馬溜數學與科學，發覺對住佢地，即使佢地點跳皮，都發唔倒脾氣。夜晚同華DEE ，西哥，與淫威約左阿輝昌出來食大排檔，問下佢近排點。見倒輝昌條友同平時冇乜變，而家只係自己係沙田住都OK，有工作，有書讀，掂啦輝昌!! 8月21日 華哥約左KL，都西，小偉，PAULINE地出來食餐飯，係大角咀又食大排檔。整晚大家談了很多，笑了很多。唉，死淫威又甩抵。 8月22日 晚上11點，搖滾之夜starts，大家盡情玩，盡情high，就當KL 臨走前 最後一次放縱自己，今晚大家都需要威士忌，飲左酒個人都係特別起勁，彈起野來都行好多，kit 突然好有靈感，同佢jam 左首 似似地既jazz 野，正!!。直到凌晨4 點，散band lu。臨走時，kit 同阿雀 買左隻超便超低既CD，我都買左條超便超低既JET 線....今晚都幾低玩，不過D 儀器真係好差下。 番到屋企 沖埋涼 5點 訓左2個半鐘，就要番UST 教EDP 個WORKSHOP，一開始有D 緊張，始終未教過，好彩有阿DICK 哥開始之前從旁提點，雖然途中漏左d野，阿dick 補充番， 最後都很順利教完，食完lunch ，便極速回家訓番飽。 8月24日 KL 要走了，早上乘mtr 到東涌轉巴士到機場 會KL，Vianne，Kelvin 佢地。大家沒有說什麼，沒有那離別的話說，和平時聚會差不多，繼續我地 既夾band 話題。Kelvin 有不少計劃與 他說 KL 的離去其實是他的新開始、新目標哇阿KELVIN， 尼D 有D似電影，卡通片情節既對白..XDD KL 臨走前，對我說：MANTUNG，各自修行啦，2年後我就番來。哈哈，跟住大家影完相，佢地兩位很自然地就離去了，那我同Kelvin 便乘巴士各自番家。 | 
